Жаз – демалыс пен
саяхат уақыты, сол себепті аяққа күтім әдеттегіден де ерекше қажет, өйткені
біздер, қыздар, жеңіл көйлектер кигенді қалаймыз, ал жақсы таңдалған аяқ киім
көйлектің сәнін толықтырады. Әрине, жақсы күтілген аяқ дайын кейіпке үйлесім
береді. Өзіңіз білетіндей, табан терісі қатты және дөрекі келеді. Қанша крем
жақсаң да, скрабпен немесе пилингпен тазаласаңда, олар кіршіксіз, қалаған
нәтиже бермейді. Бұндай құралдарды қолданбас бұрын аяқты дайындап алған жөн. Осы
себеппен сіздермен өзімнің жаңадан алған затыммен бөліскім келеді.
strawberrynet.com
сайтынан егеу (ысқыш) мен жонғыштан (тегістегіш) тұратын Tweezerman Sole Mates кәсіби жинағына тапсырыс
бердім. 14 күннен соң, ешқандай қауіп-қатерсіз жеткізілді, сонымен қоса сыйлық
бірге келді. Осы жинақтың артықшылығы туралы айтқым келеді. Егеудің екі жағы да
кәсіби педикюрға арналған. Датталмайтын болаттан жасалынған микро-егеу
дөрекіленген тері мен күсті кетіреді. Қалайыдан жасалынған егеу теріні
қабыршақтандырады және жонады. Магнитті түймелі құтысы оларды қауіпсіз сақтауға
мүмкіндік береді. Жолға алып жүруге өте ыңғайлы.
Өзім затты сатып
алғаныма және оның сапасына өте қуаныштымын.
Комментариев нет:
Отправить комментарий